أحداث اليوم -

كتبت طالبة في جامعة الزيتونة الخاصة على موقع التواصل الاجتماعي فيسبوك عن موقف حصل معها وزميلاتها اثناء الاحتفال بعيد ميلاد احد الزميلات في حرم الجامعة وصفته بالصادم .

وجاء في المنشور : اثناء احتفال عدد من الطالبات بعيد ميلاد احدى الزميلات في حرم الجامعة ، توقفت تقل رجلا تحدث من شباك المركبة وسأل عن ما نقوم به ؟ فيما اذا كانت اناث فقط دون "شباب" ؟ ، حيث ردت عليه : ما علاقتك بالامر ؟ ثم تبين لاحقا ، انه مالك الجامعة ، بعدما طلب منهن مراجعة دائرة العلاقات العامة.

وتضيف الطالبة : "تفاجئنا حيث تم توزيع مبلغ مالي لكل طالبة منهن والاثناء من قبل مالك الجامعة على اخلاقهن وتربيتهن الصالحة، مشددا على اعجابة بعدم احتفالهن  مع "شباب " .

"احداث اليوم" تنشر المنشور كما هو :"

موقف صدددمني و صدمنا

في تاريخ 11/1/2018 يوم الخميس الكل مشغول وبحضر بحفلات الاداب و العلوم .. كانت شلتنا المصونه عم تحتفل بعيد ميلاد اختنا الفاضلة رغد .. وبعز اللمه وقفت سيارة وفيها زلمه كبير سألنا شو بتعملوا .. ولحالكم.. في معكم شباب .. كم عددكم .. ؟؟!!
كنت انا المسؤولة ع الرد وبجاوب فيه باسلوب انه مين انت اصلا؟ شوي والا فتح الشباك الخلفي فيه تلات زلام كبار الي بالنص ضحك واشرلي بحكيلي هاد السيد ابو ايهاب صاحب الجامعه طبعا انا انشليت وحكيتله الله يسامحك كان حكيت من الاول المهم حكالنا لفتت نظري جمعتكم ولمتكم الحلوة انتم بنات لحالكم بدون اي تجاوزات او شباب معكم ..و اخد اسمائنا وقاللنا بتراجعوني بالعلاقات العامه بعد ساعتين .. وبالفعل رحناله استقبلونا وضيفونا قهوة ساده ورجع رن السيد ابو ايهاب واعطوني احكي معه ضل يشكر فينا و ع اخلاقنا و تربايتنا .. وانه الاخلاق امانه لازم تحافظي عليها دون حسيب او رقيب حتى وانتي بعيده عن اهلك وانتهت هالجلسة بمكافأة لطيفة" .