أحداث اليوم - فاجأت الفنانة المصرية نشوى مصطفى الجميع، بتنازلها عن قضيتها ضد المتحرشين بابنتها، وذلك من خلال ما نشرته مؤخراً عبر صفحتها الخاصة على موقع التواصل الاجتماعي(فيسبوك).

وقالت مصطفى: "يوم طويل في نهاية اليوم أحب أقدم كل الشكر والامتنان لمعالي النائب العام وللفاضل رئيس نيابة الهرم وللفاضل وكيل نيابة الهرم".

وتابعت: "بلدنا عظيمة بشرفائها وشكرًا جزيلًا وزارة الداخلية، إحنا مسنودين عليكم والله كتر ألف خيركم، بالمناسبة الطرق الجديدة والكاميرات اللي في كل مكان على الطرق والملصق الإلكتروني، اكتشفت بالبرهان أنهم مش بس علشان يرصدوا مخالفات السرعة".

وأضافت: "الملصق والكاميرات حماية لينا من أي حد ممكن يبلطج، فيه كاميرات بتسجل كل التفاصيل، ومفيش أي فرصة لأى بلطجة، بسبب العظمة اللي الطرق بقت عليها، الحمد لله تم القبض على العربية باللي كانو فيها فى أقل من أربع ساعات".

وعبرت نشوى عن أسفها من سن الشبان، قائلة: "للأسف كلهم سنهم صغير، الهدف اتحقق أنهم هما وغيرهم عرفوا إن مصر اختلفت وكله متسجل، وأن عندنا عنين صاحية بتحمينا ومحدش فوق القانون، يمكن آخر سطر ده يزعل بعض الناس اللي طلبو مني إني استمر في القضية، حرصًا على أمهات وأسر المتهمين وانهيارهم بأن ولادهم يتسجنوا، أنا وابتغاء مرضاة الله تنازلت عن القضية عملًا بمبدأ العفو عند المقدرة".

وأعلنت عن تنازلها عن القضية وقالت "ربنا يهديهم، واللي طلبتوا من أهاليهم وهما بيعتذروا لبنتي أنهم يربوا عيالهم ويفهموهم معنى الرجولة، وإن أقل عقوبة للمتحرش باللفظ أو الإشارات الخادشة للحياة هي خمس سنوات طبقًا لقانون التحرش اللي أمر بتعديله سيادة الرئيس حفاظًا على حق بناتنا".

واختتمت نشوى قائلة: على فكرة أنا اتنازلت عن الجزء اللي يخصنا لكن حق الدولة مش من حقي اتنازل عنه وهما عندهم مخالفات كتير، وتحيا مصر من كل قلبي".

[02-11-2021 03:45 PM]